طريقة عمل محشى الممبار جنان

بتاريخ 32/1/2011

من طرف ام عبد الرحمن
[ندعوك للتسجيل في المنتدى أو التعريف بنفسك لمعاينة هذا الرابط]

شوفى بقى يا ستى تجيبى الممبار من رالراجل بس قوليلوا ممبار بتاع البقرة عشان بيبقى كبير غير ممبار الخروف بيبقى رفيع
ثم لو الراجل نظفهولك ماشى لو عاوزة تنظفيه انتى بنفسك اقلك الطريقة
تأخذى الممبار وتطعيه بالمقص الى قطع طول بعض قطع طويلة شوية
وتأخذى كل قطعة وتقلبيها بصبعك وتجيبى معلقة كبيرة بتاعت اللأكل وتحكى بيها الممبار ثم كل واحدة كده لحد كله ما ينظف
ثم تغسليه كويس وتنقعيه فى كروانة بماء وخل كتير وتتركيه فى الثلاجة للصبح
ثم تطلعيه وتقلبية كل واحدة وبعد ذالك تكونى مجهزة الحشو
الحشو
بصلتين بشراهم بالمبشرة
وتضيفيهم بحلة على النار وحطه زبدة فيها وشوية زيت
وتضربى طماطم فى الخلاط ولا تصفيهم
وبعد ذالك عندما تشوحى البصل على النار يدبل تضيفى عصير الطماطم من غير تصفيه وتتركيه على النار يسبك شوية
وتكونى بره غسله الآرز الكمية اللى هتحشى بيها
ومقطعة 2رزمة كسبرة و2رزمة شبت و2رزمة بقدونس
ومقطعاهم بالسكينة
وبعد ذالك لما الطماطم تسبك شوية
تطفى النار وتضيفى الأرز والخضرة وملح وفلفل وكمون وتأتى بمصفاه وتضعى بيها كل الحشو
ويكون تحت المصفى كروانة عشان الماية بتاعت الطماطم تنزل فيها
وتحشى الممبار عن طريق القمع تحطى القمع فيه ثم تضعى الآرز من فوق وتضغطى عليه من فوق بمعلقة صغيرة عشان الآرز ينزل
وتتركى فى الممبار وانتى بتحشى مسافات عشان اتنى عارفة الأرز بينفش
وتكونى فى حلة على النار حطة ماية وتتركيها ما تغلى وتسقطى الممبار فيها وحدة وحدة
وتتركيه على عين وسط يستوى
وبتأخذ ساعة ونصف
وبعد ذالك تطلعيه فى مصفاه
وتكونى مجهزة طاسة فيها شوية سمنة وزيت وتنحمرى الممبار
وبس حسبى

عشان بيطرقع الا تدعى على

ولا تنسوا اخواتى ماية الطماطم نوضع فى الممباراثناءسليقه
والممبار فى الماية تضفيله ملح
وكمان اختى تصفى الممبارفى مصفاه بعد ما يستوى
وانتى بطلعيه
وده صورته عشان يبقى كده ما حرمتكمش من حاجة

[ندعوك للتسجيل في المنتدى أو التعريف بنفسك لمعاينة هذه الصورة]

طبعا ده جزء من الممبار


نضعه فى الماء المغلى مع اضافه الملح

[ندعوك للتسجيل في المنتدى أو التعريف بنفسك لمعاينة هذه الصورة]

نطلع الممبار من الحله ونحطه فى مصفى حتى ينشف تماماا من الماااااااااااء

مهمه الخطوه دى علشان التحمير



[ندعوك للتسجيل في المنتدى أو التعريف بنفسك لمعاينة هذه الصورة]

حمر الممبار فى زيت ساخن من كل الجوااااااااانب حتى يكتسب اللون الذهبى

ونطلعه على ورق مطبخ حتى يمتص الزيت الزااائد

وده شكله النهائى

[ندعوك للتسجيل في المنتدى أو التعريف بنفسك لمعاينة هذه الصورة]
وبالهناء والشفاء


مع حبى وتقديرى

أختكم فى الله

جزاك الله خيرا اختى على مشاركتك بارك الله فيكى
وان شاء الله يعجبك