طريقة عمل كيكة بالشيكولاتة رائعة

كيكة بالشيكولاته
المقادير
2كوب من الدقيق
كوب ونصف من السكرالمطحون
كوب لبن ساقع
نصف كوب من الزيت بس يكون ذرة احسن ومعلقة كبيرة من الزبدة او السمنة
ولو عاوزة تقللى الزيت وتزودى السمنة على رحتك
يعنى كله كوب الا ربع
3بيضات كبار من البيضالأحمر
كيس فانليا
كيس بيكنج بودر
التقديم علبة دانيت بالشيكولاته او جوز هند
راعى استخدام نفسالأكواب فى المعاير كلها
الطريقة
جهزى الفرن اولا على درجة حرارة 180
صنية مقاس 28 تدهنيها سمنة وترشى عليها شوية دقيق
تضربى الأول الحاجات السايلة فى الخلاط البيض الأول تضربية كويس مع الفانليا ثم تضعى السكر والزيت مع السمنة واللبن وتضربيهم كويس ثم تضيفى كوب الا ربع من النسكويك هو عبارة عن مسحوق شيكولاتة يباع فى السوبر ماركت
ثم تضربيهم كويس فى الخلاط ثم تنقليهم الى وعاء فارغ
وفى وعار اخر تضيفى الدقيق مع البيكنج وتقلبيه كويس ثم
تضيفى حبة حبة الدقيق والبيكنج الى الخليط السايل مع التقليب بالمعلقة الخشبية
او بالمضرب اليدوى
يوضع فى الفرن لمدة 35 دقيقة على درجة حرارة 180 درجة مئوية
ممكن بعد ذالك تطفى الفرن وتتركيها شوية جوه
ارجو ان تجربوها فهى رائعة وبعد ما تبرد تضيفى عليها صوص الشيكولاتة او علبة الدانيت
وان شاء الله لنا لقاء مع طريقة عمل الصوص
ارجو ان تجربوها فهى رائعة وعن تجربة

تسلمى ياقمر وتسلم ايدك ماشاء الله عليك جزاك الله خيرا حبيبت قلبى[b]

جزاكى كل خير اختى جميلة بارك الله فيكى

امين اختى بارك الله فيكى اختى