ماسك خاص بى هدية لأعضاء منتد ى جنة الحب فى الله اللى بحبهم فى الله

[ندعوك للتسجيل في المنتدى أو التعريف بنفسك لمعاينة هذه الصورة]

ماسك جنان ولأنه من أختراعى سميته المسك الخاص ههههههههه ما تخفوش انا اخترعتة وجربته وبقولوا لكل أصحابى الغاليين علية فقط وأنت أغلى الناس عندى اللهم أدم هذه المحبة وأجعلها خالصة لوجهك الكريم

اولاماهى خصائص هذه الخلطه الأكثر من روعة

1)تبييض الوجة وهذا عن تجربة وكمان البيضاء تستخدمه هيزيد بياض البشرة عن تجربه

2)تنعم البشره تجعلها كبشرة الأطفال وهتشوفوا الفرق

3)يشيل اى خاليا ميته من الجلد واى اوساخ من الأتربة

4)بيعمل على نزع الشعر الصغير جداً فى الوجهه وخصوصاً بعد عمل الوجهه بالفتله لو الفتله ما شالت هذا الشعر الصغير او ماكنة برون وأنتى بتحسى بالشعر الصغير وهو بيتشال ده لو فيه شعر بعد عمل الوجهه اما الشعر الكثيف لاء علاشان مشتقولوا انى ضحكت عليكم كلامى واضح الشعره الخفيفه الناعمه الصغيره وصف دقيق اهوه

5)بيعمل على تبليط لحب الشباب الذى فى الوجه بحيث يكون شبيه بعدم وجوده

الكلام ده كلة مش بعد ما تعملى المسك بشهر ولا اتنين لاء هتلاقى النتيجه بعد غسل المسك من وجهك بعد اربع ساعات فى نفس اليوم لو حبة تقللى الساعات ده على راحتك انتى عن نفسى بسيبه اكبر وقت ان امكن

ثانياً الأدوات او الأشياء المحتاجنها فى المسك

1)واحد زجاجة جلسرين من الصيدلية متوفرة

2)واحد علبة بودرة اطفال خمس خمسات او اى بودرة مثلها تستخدم للأطفال فى تنعيم الجلد وهذه الودرة متوفره فى الصيدليات طبعاً انا بتكلم فى مصر ما عرفش بقى باقى الدول اكيد ياعنى هتلاقوا بودرة تستخدم للأطفال

3)علبة واحده زبادى الزبادى طبعاً الكل عارفه وهو بيتباع فى السوبر ماركت

4)واحد ملعقة عسل نحل ابيض

ثالثاً الطريقة

يوضع ملعقة جلسرين على علبة الزبادى ثم يوضع ملعقة العسل الأبيض ويقلب جيداً
ثم يوضع على الخليط كمية بسيطه من بودرة الأطفال مع التقليب الى ان يصبح مثل كريم الوجه تماماً
قبل ما تبدائى وضع المسك يغسل الوجه بالماء البارد
ثم يوضع المسك على الوجه ويترك مده طويله وليكن اربع او ثلاث ساعات
ثم يفرك باليد بعمل دوائر اثناء الفرك كتدليك للبشرة
ثم يغسل بماء بادرد من الثلاجه ويالية مباشرة ماء فاتر

اختى الحبيبه هتلاحظى الفرق قبل المسك وبعد المسك وجهك أبيض وناعم كالأطفال وكمان بدون حب شباب ولا اوساخ وطبيعى وحيوى هذا الموضوع خاص بيه انا وليس منقول وعلى ضمانتى الشخصية وان شاء الله هتدعولى

ان شاء الله وجهك هيكون مثل البدر المنور sunny

وياريت تكررى العمليه دى ثلاث ايام فى الأسبوع flower

قمر

جزاك الله الف خير اختي بان شاء الله اجربو

جزاك الله خيرا اختى ام عبد الرحمن
على هذة الماسك الجميل

[ندعوك للتسجيل في المنتدى أو التعريف بنفسك لمعاينة هذه الصورة]

ايه الجمال داه
ما شاء الله
انتي بتعملي زيي عارفة انا بعض المرات باخلط حاجات مع بعض وبتطلع نتيجة كويسة
اليوم حنزل وصفة للشعر شوفيها رائعة ودي عن تجربتي الشخصية
تسلمي على وصفتك الجميلة

» قوانين منتدى الحب فى الله
» وصفة لعلاج الشعر اللى تحت الجلد
» جنة الحب فى الله , قصة حكاها الرسول, د - غريب رمضان , الرحمة 29-3-2009
» ماسك سريع لتفتيح البشرة
» ماسك الأرز المطحون لتفتيح البشرة